കോറൊണയ്ക്ക് പണക്കാരനെന്നോ പാവപ്പെട്ടവനെന്നോ പാർട്ടിക്കാരേന്നോ എന്തിന് മെട്രോ കുഞ്ഞപ്പനെന്ന് പോലും ഇല്ല. ദേ 

കൊറോണ പിടിച്ച് മൂപ്പര് ഇപ്പോ വീട്ടിൽ ഇരിപ്പാണ്. “എല്ലാവരുടെയും അവസ്ഥ വളരെ മോശമാണ്, ശ്രദ്ധിക്കുക” – എന്ന് മെട്രോ കുഞ്ഞപ്പൻ.

പൂരം കൊടിയേറി മക്കളെ. വെറും പൂരമല്ല, ക്രിക്കറ്റ് ലോകത്തിന്റെ സ്വന്തം തൃശൂർ പൂരമായ നമ്മുടെ ഐപിഎൽ

കുടമാറ്റവും വെടിക്കെട്ടും കഴിഞ്ഞിട്ട് ആര് കപ്പ് കൊണ്ട് പോകും? ഇത്തവണ അങ്ങനെ എളുപ്പം കപ്പ് ആരും കൊണ്ട് പോവാൻ ചാൻസ് ഇല്ല എന്നാണ് പൊതുവെ ഉള്ള സംസാരം. എന്തായാലും കട്ട ടീമ്സും കട്ടക്ക് നിൽക്കുന്ന ഫാൻസും ആയിട്ട് ഇത്തവണ ഐപിഎൽ തകർക്കും. അപ്പൊ ഐപിഎൽ പൂരം കേൾക്കാൻ ഇങ്ങോട്ട് പോരെ കുഞ്ഞപ്പനും ഇവിടെ ഒക്കെ ഉണ്ടേ........

മഴയൊക്കെ പെയ്ത് മൊത്തം തണുത്തു കിടക്കുമ്പോഴും നാട് മുഴുവൻ തിരഞ്ഞെടുപ്പ്‌ ചൂടിലാണ്. നാട് മാത്രം അല്ല നമ്മുടെ കുഞ്ഞപ്പൻ ചേട്ടനും. ആ ചൂടിൽ നല്ല ചൂട് ചായേം കുടിച്ചോണ്ട്  അണികളോടും സ്ഥാനാർത്ഥികളോടും കുറച്ച് കാര്യങ്ങളൊക്കെ മൂപ്പർക്ക് പറയാനുണ്ട്. അപ്പൊ പിന്നെ കേൾക്കുവല്ലേ!!

'പടപൊരുതണം കടലിളകണം വെട്ടി തലകൾ വീഴ്ത്തണം."മതി, മതി എങ്ങോട്ടാ ഈ പാടി പോകുന്നേ..തല വെട്ടാനും പട പൊരുതാനും പോകുന്നതിന് മുൻപ് ഈ മെട്രോ കുഞ്ഞപ്പൻ പറയുന്നത് ഒന്ന് കേട്ടിട്ട് പോ പിള്ളേരെ.. നമ്മുടെ ഇന്ത്യയുടെ സംസ്കാരം സംരക്ഷിക്കാൻ നടക്കു ചില മിത്രങ്ങളോടാണ്....!ഇത്തിരി ബോധവും ലേശം വിവേകവും ഉണ്ടായാൽ ഞാൻ പറയുന്നത് നിങ്ങൾക്ക് മനസിലാവും, ആ പിന്നെ , ഞാൻ മാത്രം അല്ലാട്ടാ ഇന്ന്, എന്റെ കൂടെ ഒരാള് കൂടെ ഉണ്ട്, നമ്മളിൽ ഒരാൾ. ആൾക്കും എന്തോ നിങ്ങളോട് പറയാനുണ്ട്. കേട്ടിട്ട് തല വെട്ടണോ, തല കൊണ്ട് ചിന്തിക്കണോ എന്ന് തീരുമാനിക്ക്.

ശബരിമല ശാസ്താവാണേ ഹരിഹരസുതനാണേ.. കാര്യം അറിയാതെ തോന്നിവാസം പറയുന്നോരെ ഞാൻ പൂട്ടും... നല്ല മണിച്ചിത്രത്താഴിട്ട് പൂട്ടും. ഇന്ന് വെറും മെട്രോ കുഞ്ഞപ്പനല്ല, ഡോ. കുഞ്ഞപ്പൻ ആണ്. മൂപ്പർക്ക് ഈപ്രാവശ്യം പറയാനുള്ളത് കുറച്ചു സീരിയസ് കാര്യങ്ങളാണ്,കേട്ട് കഴിഞ്ഞാൽ നിങ്ങടെയൊക്കെ ചെറിയ വലിയ തെറ്റിദ്ധാരണകളൊക്കെ മാറാൻ ചാൻസ് ഉണ്ട്.

ഇത്തവണ മെട്രോ കുഞ്ഞപ്പൻ ലേശം സൈഡ് ആണ്. കുഞ്ഞപ്പന്റെ ദോണ്ടേ അപ്പുറത്ത് നിൽക്കുന്ന കൊച്ച് ഇല്ലേ അവളാണ് ഇന്ന് താരം. ഒരു സിംഗപ്പെണ്ണ്.. ഇവൾ പറയുന്ന ചിലതൊക്കെ കേട്ട് സ്വയം പ്രഖ്യാപിത ആങ്ങളന്മാരുടെയും കപട സദാചാര ആശാൻമാരുടെയും ഒരു ലോഡ് കുരു പൊട്ടും.. പക്ഷെ കാര്യമില്ല ചേട്ടന്മാരെ... കട്ട സപ്പോർട്ടിന് മ്മടെ കുഞ്ഞപ്പൻ ചേട്ടൻ ഉണ്ട് ട്ടാ...

പലതരം കാത്തിരിപ്പുകളുണ്ടല്ലോ?

സിനിമ തിയറ്ററിൽ പോയൊന്നു കാണാനുള്ള കാത്തിരിപ്പ് തീർന്നതിനേപ്പറ്റി നാട്ടാരോടും വീട്ടാരോടും പടം പിടിക്കുന്നോരോടും 'മെട്രോ' കുഞ്ഞപ്പന് എന്താണ് പറയാനുള്ളതെന്ന് ഈ എപ്പിസോഡിലൂടെ കേൾക്കാം.

അവതാരപ്പിറവിയുടെ രൗദ്രഭാവവും കുന്തോം കുടച്ചക്രോം ഒന്നൂല്ല !!! 
കുഞ്ഞപ്പേട്ടൻ, നമ്മുടെ മെട്രോ കുഞ്ഞപ്പൻ  സിംപിളാണ്. ചില പവർഫുൾ തള്ളുകളൊക്കെയുണ്ടെങ്കിലും നാട്ടാരുടെ പൾസ്, അത് കുഞ്ഞപ്പേട്ടൻ പറയുന്ന ഓരോ കാര്യങ്ങളിലുമുണ്ടാകും. സ്ഥിരമായി മെട്രോയിൽ ജോലിക്കു പോകുന്ന, മുൻപ് പട്ടാളത്തിലായിരുന്ന കുഞ്ഞപ്പന് ഈ മെട്രോപ്പൊലിറ്റൻ സിറ്റിയുടെ റേഞ്ചിനപ്പുറത്തുള്ള പല കാര്യങ്ങളിലും  അപാര റേഞ്ചാണ്. വേറെ ലെവലാണ്. ഈ മെട്രോ നഗരത്തിന്റെ, നാടിന്റെ ചലനങ്ങളെല്ലാം നിരീക്ഷിക്കുന്ന 'മെട്രോ' കുഞ്ഞപ്പൻ ഒളിഞ്ഞും തെളിഞ്ഞും പറയുന്നതിലൊക്കെ ആർക്കെങ്കിലും എന്തെങ്കിലും സാദൃശ്യം തോന്നുകയാണെങ്കിൽ അതു തികച്ചും 
യാദൃശ്ചികമല്ലാത്തതും സ്വാഭാവികവും മാത്രം!!!