Ergebnis gesprochen von "Pierre van Pletzen" in Alle Kategorien

Toe Liefiediefie met haar Marilyn Monroe-gesiggie en Jane Fonda-lyfie in Huis Madeliefie land, roer sy iets in Hans se gemoed los. Nog ’n nuwe inkommer, Janneman Vermaak, ding egter om haar hart mee. Boonop wil hy Hans as leidsman in die tehuis onttroon. Maar iets aan dié opperse snoeshaan en die talentkompetisies wat hy reël is nie pluis nie . . .

Hans van Kraaienburg, verlosser van Huis Madeliefie, hou vakansie op Hermanus by vriend Vasie se neef Herklaas. Herklaas is in die sop: die Overstrand se rykste skobbejak, Grond Graaffwater, wil sy blyplek koop en herontwikkel – maar Herklaas wil nié trek nie. Hans beslis dat Herklaas ’n stel horings moet kry om Grond trompop te loop.

Huis Madeliefie word deur die staat se vlak 5-inperking in die gesig gestaar, maar die drakoniese reëls van die tehuis se interne bevelsraad kry nie vatplek by Hans en kie nie. Hans se plan om die inwoners met die verbode vrug se sap aan sy kant te kry, boemerang egter sleg. Hy sal die raad op ’n ander manier moet vasvat . . .