Ergebnis von "Bhalaba Kelkar" in Alle Kategorien

शेरलॉक होम्सच्या चातुर्यकथांचे अनुवाद मराठीत भालबा केळकर यांनी केले आहेत. सुमारे वीसहून अधिक कथांचे त्यांनी केलेले अनुवाद स्टोरीटेलने ऑडिओ स्वरूपात सादर केले. हे सर्व अनुवाद संदीप खऱे यांच्या आवाजात उपलब्ध झाले आहेत. या निमित्ताने भालबा केळकर यांनी आपल्या सहजसोप्या शब्दात शेरलॉक होम्सचे व्यक्तिचित्र कसे लिहिले गेले आहे व लेखक सर ऑर्थर कॉनन डॉयल यांच्याबद्दल माहिती दिली आहे. हा रहस्यकथा लेखक प्रसिध्द कसा झाला आणि शेरलॉक होम्स इतकी वर्षे लोकप्रिय का राहिला याची कारणमीमांसा अतिशय रंजक आहे.

शेरलॉक होम्सच्या कथांचा अनुवाद करत असताना भालबा केळकरांच्या डोक्यात वॅटसन आणि शेरलॉकला घेऊन एक कथानक आलं आणि त्याच्या निरिक्षण आणि निष्कर्ष पध्दतीची थोड्या तिरकस शैलीत गंमत करत भालबांनी लिहिलेली कथा म्हणजे असाही एक शेरलॉक होम्स ! शेरल़ॉक होम्सचे मूळ लेखक सर ऑर्थर कॉनन डॉयल यांची माफी मागत त्यांनी ही कथा डॉयल यांच्या लेखनशैलीत लिहिण्याचा प्रयत्न केला आहे.

प्रायरी स्कूल ही इंग्लडमधील अतिशय प्रख्यात शाळा आहे. मोठमोठ्या उमरावांनी या शाळेत आपल्या मुलांना घातले आहे. या शाळेची ख्याती ऐकून ड्यूक ऑफ होल्डरनेस यांनी आपल्या दहा वर्षाच्या एकुलत्या एक मुलाला आणि त्यांच्या संपत्तीच्या वारसाला लॉर्ड साल्टायरला या शाळेत घातले आहे. अडीच लाख एकरांचा धनी आणि अनेक उद्योगांत भागीदारी असणा-या या मुलाला प्रायरी शाळेतून पळवून नेलं जातं किंवा तो स्वतःच या शाळेतून पळून जातो. काय आहे या शाळेचे रहस्य ? शेरलॉक होम्स ते कसं ओळखतो ?

शेरलॉक होम्स थोड्या विश्रांतीसाठी आणि काही अभ्यास करण्यासाठी विद्यापीठात रहायला जातो पण तिथेही अशी काही रहस्ये त्याला दिसतात की तो केवळ कुतूहलापोटी ते रहस्य सोडवायला घेतो.

अजून हे लोक तुझ्याकडे कसे आले नाहीत?" मी वर्तमानपत्र वाचत माझ्या न्याहारीची वाट पहात असताना म्हणालो. होम्सची न्याहारी आधीच झाली होती आणि तो आरामखुर्चीत शांतपणे पाईप ओढत पडला होता. त्याने आपल्या गुलाबी गाऊनच्या खिशातून एक तारेचा लिफाफा काढून माझ्याकडे फेकला आणि तो म्हणाला, " तू बहुधा फाऊल्स रॉथच्या प्रकरणाबद्दल बोलत असशील असे मी गृहित धरतो आणि तसे असेल तर ही तार वाच !