Ээжийн хайр үнэхээр үргэлж зөв байдаг уу?

Хайр нэрээр дамжсан хэт хамаарал нийгмийг хэрхэн чимээгүйгээр сүйтгэн эвддэг вэ?

Энэ эпизодод бид:

• “Сайн ээж” гэх ойлголтын сүүдэр тал
• Хайр нэрээр ээжүүд хариуцлагагүй эрчүүд хэрхэн бүтээгддэг механизм
• Ээж–хүүгийн хэт хамаарал тархинд ямар айдсыг суулгадаг тухай
• Яагаад зарим эрчүүд эхнэрээсээ ээж хайж, амьдралаас үүрд зугтдаг болдгийг
• Жинхэнэ хайр гэж юу вэ, харин хор гэж юуг хэлэх вэ гэдгийг

хатуу үнэн, сэтгэлзүйн тайлбар, ухамсрын сэрэлт-ээр задлан ярьна.

Энэ бол буруутгах подкаст биш.

Ухаарах, таслах, эдгэрэх тухай яриа.

Хэрвээ та:

• Ээж бол,
• Хүүтэй бол,
• Эсвэл өөрөө хэт хамааралтай орчинд өссөн бол энэ эпизод таныг тойрохгүй.

Сонсоод өнгөрөх биш —

сонсоод бодож,

бодсоныхоо дараа

сонголт хийх подкаст.

Гэрэл Сараана нь Гэрэл Тараана.

Хүн чанар гэж юуг хэлэх вэ?
Бид хэзээнээс хүний мөс чанарыг
айдас, ашиг сонирхол, хариуцлагаас зугтах шалтгаанаар
амархан арилжаалж эхэлсэн юм бол?

Энэ эпизодод бид
адгуус ч хийдэггүй үйлдэл
яагаад “хэвийн”, “бүгд тэгдэг”, “аргагүй”
гэсэн тайлбараар зөвтгөгдөж эхэлдгийг
ёс суртахуун, сэтгэл зүй, сүргийн сэтгэлгээний
гүн давхаргаас задлан ярилцана.

Хүн ганцаараа буруу зүйл хийж байгаагаа мэдэрч чаддаг.
Гэвч сүрэг дунд ороход
хариуцлага замхарч,
айдас халдварлаж,
ёс зүй уусч алга болдог.

Ингэж л
хүн чанараа алдаж,
өөрийн хийсэн үйлдэлдээ
эзэн болж чадахаа больдог.

Энэ бол “муу хүн”-ий тухай эпизод биш.
Энэ бол айдастай хүн,
хариуцлагаас зугтсан хүн,
өөрийгөө цагаатгах шалтаг олсон сүрэг
хэрхэн хүн чанарыг сүйтгэдэг тухай үнэн яриа юм.

“Хүн болж төрөх нь хувь тавилан байж магадгүй.
Харин хүн шиг амьдрах нь —
өдөр бүрийн сонголт.”

Энэ эпизод
танд хэн нэгнийг шүүж буруутгуулахын тулд бус,
өөрөөсөө асуух зоригийг өгнө.

— Би ямар үед хүний мөс чанараа алдаж байна вэ?
— Би айдсаа ямар шалтаг дор нуун амьдарч байна вэ?
— Би сүргийн дунд өөрийгөө алдаж байна уу,
эсвэл өөрийн үнэт зүйлдээ үнэнч байж чаддаг уу?

Энэ бол амархан сонсогдох эпизод биш.
Гэхдээ энэ бол
хүн хэвээр үлдэхийг хүссэн хүнд
зайлшгүй сонсох ёстой аялал юм.

Хүн алдаагаа мэдэх үедээ
хүн хэвээрээ байдаг.
Алдаагаа зөвтгөх үедээ
сүрэг болдог.

Хүн алдаагаа мэдэх үедээ
хүн хэвээрээ байдаг.
Алдаагаа зөвтгөх үедээ
сүрэг болдог.

Адгуус амьд үлдэхийн тулд ална.
Харин хүн айдсаа нуухын тулд
ёс суртахуунаа алдаг.

Адгуус амьд үлдэхийн тулд ална.
Харин хүн айдсаа нуухын тулд
ёс суртахуунаа алдаг.

Гэрэл Сараана нь Гэрэл Тараана.

Айдас гэдэг биднийг хорьдог төмөр хаалга биш. Зүгээр л удаан хугацаанд хааж орхисон дотоод өрөө.Тэр өрөөнд жижигхэн бид — айсан, ганцаардсан, дуугүй тэвчсэн дотоод хүүхэд — одоог хүртэл нуугдаж байдаг.

Энэ эпизодод бид айдсын манан дундуур зөөлөн алхаж, дотор нь нууж ирсэн өөрийнхөө жинхэнэ дүртэйгээ учирна.

Айдас яагаад өөр дүрээр буцаж ирдэг вэ? Яагаад том болсон ч сэтгэл маань шархтай хэвээр байдаг вэ?Монгол гэр бүлийн дуугүй уур амьсгал биднийг хэрхэн төлөвшүүлсэн бэ? Хайрлах үед яагаад жижигхэн хүүхэд шиг айдаг, зугтдаг, зууралддаг вэ? Айдсыг хүлээн зөвшөөрөх нь яагаад гэрэл асаахтай адил вэ?

Энэ бол айдсаа “засах” тухай биш. Айдсаа ойлгож, өөрийгөө хүлээн зөвшөөрч сурах тухай. Өнөөдөр та манан дундаас анхны гэрлээ олж харж магадгүй. Энэ гэрэл таны доторх жинхэнэ “би”.

Тухлан сууж, нэг амьсгалаа аваарай… Бид одоо дотоод аялалдаа хамт гарна.

Гэрэл Сараана нь Гэрэл Тараана.

Энэ дугаарт бид өөрөөсөө асуухаас эмээдэг, гэхдээ амьдралын хамгийн чухал асуулттай нүүр тулна:

“Би гэж хэн бэ?”

Бид том болоод нас нэмэх тусам амьдралын үүрэг, дарамт, дүрүүдэд дарагдаж, жинхэнэ дотоод “би”-гээ хаалттай өрөөнд орхичихоод амьдралын төлөө гэж өөрийгөө итгүүлэн мөнх мэт улайран зүтгэдэг.

Энэ дугаарт:

Яагаад бид өөрсдийгөө сонсохоо больдог, яагаад дотоодод хоосон зай үүсдэг, бага насны тэр бяцхан өөрийгөө дахин санах нь яагаад хамгийн том эдгэрэл болдог тухай би ярина.

Бид “өрөөний хаалгыг нээж”, дотоодоо орхисон бяцхан өөртэйгөө уулзаж, түүний дуу хоолойг сонсохыг хичээнэ: “Чи минь ганцаараа биш шүү?”, “Би чамайг мартаагүй ээ?”, “Чи яг юу хүсч байсан бэ?”

Энэ бол таны язгуур оршихуй, төрмөл язгуур гэрэлтэйгээ учрах аяллын эхлэл.

Gerel Saraana подкастын энэ дугаарт бид өөрийгөө таних нуугдсан өвдөлт ба ухаарал, бага нас ба өнөөдөр, одоогийн “би” ба жинхэнэ “би”-гээ хамтад нь зэрэг харна.

Энэ дугаарт та дараах зүйлсийг ойлгож авна:

• Яагаад насанд хүрэх тусам бид жинхэнэ “би”-гээ мартаж эхэлдэг

• Дотоод хоосон мэдрэмжийн эх сурвалж хаана байдгийг

• Бага насны өөртэйгөө уулзах нь яагаад эдгэрлийн эхлэл болдгийг

• Өөрийн үнэн дуу хоолойг сонсох нь ямар чухлыг

• Өөрийгөө гомдоолгүйгээр амьдрал руу урагшлах ухааныг

• Язгуур оршихуйтайгаа холбогдох анхны жижиг боловч хүчтэй дадлыг

Энэ дугаарын амин агуулга нь:

Та ямар дүр эсгэж амьдраад байгаад бус — жинхэнэ хэн бэ гэдгээ эргэн санах мөч.

Өөрөөсөө зугтахгүй, өөр рүүгээ эргэн алхах тэр анхны алхмыг энэ дугаар танд өгнө гэж би итгэж байна.

Гэрэл Сараана нь Гэрэл Тараана.