Folgen

  • #33 Georg Leite - Goggi á Kalda

    #33 Georg Leite - Goggi á Kalda
    Apr 27 2021
    Gestur Kokkaflakks að þessu sinni er Georg Leite sem á meðal mjög stórs hóps fólks er betur þekktur sem Goggi á Kalda. Við ræðum bransann, Covid lokanir og að þó þær séu erfiðar fyrir veitingabransann leynist kannski eitthvað jákvætt í þeim. Við ræðum ljósmyndarann Georg, leikarann Georg Brasilíumanninn Georg og alla þá ólíku hatta sem hann ber. Mjög skemmtilegt! Þessi þáttur er síðasti þáttuinn í fyrstu seríu af Kokkaflakki í eyrun og við það tilefni vil ég þakka kærlega frábær viðbrögð og hlakka til að koma aftur síðar með aðra seríu.
    Mehr anzeigen Weniger anzeigen
    1 Std. und 28 Min.
  • #32 Anna Sigríður Ólafsdóttir - Um matvendni

    #32 Anna Sigríður Ólafsdóttir - Um matvendni
    Apr 20 2021
    Gestur þáttarins í þetta sinn er næringarfræðingurinn og vísindakonan Anna Sigríður Ólafsdóttir. Við áttum afar áhugavert spjall um matvendni barna og tengsl matvendni við ADHD og einhverfu sem hún hefur verið að rannsaka í dálítinn tíma. Hún stóð fyrir bragðlaukaþjálfun fyrir matvönd börn, námskeið sem ég fór á með son minn og var frábært! Við ræddum þetta allt sem og auðvitað líka nýju sjónvarpsþáttaröðina sem hún er að gera fyrir RÚV og heitir Nærumst og njótum. Mjög áhugavert og skemmtilegt.
    Mehr anzeigen Weniger anzeigen
    59 Min.
  • #31 Óli og Alba - Forsetaspjall um vín

    #31 Óli og Alba - Forsetaspjall um vín
    Apr 13 2021
    Við Alba erum mætt aftur eins og lofað var með þátt um vín sem heitir „Forsetaspjall um vín“ vegna þess að jú, Alba er eins og frægt er orðið forseti Vínþjónasamtaka Íslands og ég fyrrverandi. Spjallið fór út um víðan völl að vanda. Við ræðum um Bordeaux og vín sem hefur ferðast út í geim. Við tölum einnig um Austurríki, ensk freyðivín og svo miklu miklu fleira. Mjög gaman að vanda.
    Mehr anzeigen Weniger anzeigen
    1 Std. und 6 Min.
  • #30 Eyþór Mar Halldórsson - Yfirkokkur

    #30 Eyþór Mar Halldórsson - Yfirkokkur
    Apr 6 2021

    Gestur þáttarins að þessu sinni er Eyþór Mar Halldórsson matreiðslumeistari. Eyþór er frá Húsavík eins og svo margir aðrir góðir kokkar. Hann á og rekur þrjá veitingastaði í Reykjavík sem allir ganga mjög vel og hefur komið að opnun fjölda annarra. Við ræðum þetta auðvitað, ferilinn hingað til og hvernig hann komst þangað sem hann er kominn í dag. Eins og endranær er farið út um víðan völl og við meira að segja tölum um jafnréttismál í veitingabransanum í dag. Mjög skemmtilegt spjall, enda Eyþór mjög skemmtilegur náungi.
    Mehr anzeigen Weniger anzeigen
    1 Std. und 30 Min.
  • #29 Fanney Dóra og Davíð Örn - Sleggjudómar

    #29 Fanney Dóra og Davíð Örn - Sleggjudómar
    Mar 30 2021
    Ef einhvern tímann hefur verið þörf á fíflaskap og vitleysisgangi þá er það núna. Marsmánuður er búinn að vera að hamast við að vera marsmánuður, gefandi fólki von um betri tíð, blóm í haga og sólskin en kippir okkur svo rækilega niður á jörðina jafnóðum með gulum viðvörunum og frosti. Og svo ætlar veiruandskotinn aldrei að láta okkur í friði heldur. Nú þá er bara eitt að gera, fá Davíð Örn og Fanneyju Dóri í heimsókn og henda í sleggjudómaþátt, þar sem við hömumst öll við að tala hvert ofan í annað og leggja mat á mat. Við tölum meðal annars um pítusósu, páskaegg, mathallir og ýmislegt fleira og höfum öll sterkar skoðanir á þessu öllu. Mjög gaman!
    Mehr anzeigen Weniger anzeigen
    1 Std. und 27 Min.
  • #28 Árni Ólafur Jónsson - Hinn blómlegi kokkur

    #28 Árni Ólafur Jónsson - Hinn blómlegi kokkur
    Mar 23 2021

    Gestur minn í þessum þætti er Árni Ólafur Jónsson, matreiðslumaður sem á og rekur veitingastaðinn Matr í Norræna húsinu. Árni hefur komið víða við og kom einhvern veginn dáldið bakdyramegin inn í veitingabransann. Hann lærði kokkinn í New York og vann þar áður en hann flutti til Íslands til að taka þátt í því að búa til hina frábæru matarþætti Hið blómlega bú sem sýndir voru á Stöð 2. Við ræddum þættina, veitingabransann á Íslandi og í Bandaríkjunum, útbruna og fleira hressandi. Gífurlega gott spjall.
    Mehr anzeigen Weniger anzeigen
    1 Std. und 12 Min.
  • #27 Alba Hough - Vínkona mín

    #27 Alba Hough - Vínkona mín
    Mar 16 2021

    Það hefur verið kallað eftir umfjöllun um vín í Kokkaflakki í eyrun og ef það er eitthvað sem kokkaflakkarinn er þá er það maður fólksins sem hlustar og tekur öllum ábendingum fagnandi. Það er einmitt þess vegna sem ég fékk til mín góða vinkonu mína, hana Ölbu Hough sem er vínþjónn og vínfræðingur. Við ræðum allskonar sem tengist víni og veitingaheiminum bæði vítt og breytt eins og við er að búast. Það koma þó upp óvæntir hlutir eins og veðurbreytingar af mannavöldum, rasismi ásamt málum sem tengjast víni á hefðbundnari hátt eins t.d. hvernig í ósköpunum vínþjónakeppnir fara fram. Það var mjög gaman hjá okkur.
    Mehr anzeigen Weniger anzeigen
    1 Std. und 16 Min.
  • #26 Jón Haukur Baldvinsson - Spítalamatur

    #26 Jón Haukur Baldvinsson - Spítalamatur
    Mar 9 2021

    Eftir stutt veikindafrí snýr Kokkaflakkarinn aftur með glænýjan þátt inspireraðan af þessu fríi, því eftir nokkurra daga spítalalegu í kjölfar aðgerðar fór ég að spögulera í því hverskonar svakalegt batterí spítalaeldhús hljóti að vera. Og þá er auðvitað ekki nema eitt að gera og það er að hafa samband við manninn sem stýrir eldhúsinu á Landsspítalanum Háskólasjúkrahúsi og ræða það aðeins við hann. Sá heitir Jón Haukur Baldvinsson. Hann tók við stjórnartauminum í spítalaeldhúsinu á síðasta ári og hefur mikinn metnað fyrir hönd þess, metnað sem ég fékk að upplifa á eigin skinni að er farinn að skila sér. Við ræðum það, bakgrunn hans í veitingabransanum, en hann er einn af stofnendum Jamies Italian á Hótel Borg og ýmislegt fleira.

    Mjög fróðlegt og áhugavert spjall.

    Mehr anzeigen Weniger anzeigen
    53 Min.