„მწარე პოდკასტის" 191-ე ეპიზოდში, არქეოლოგ დავით ნასყიდაშვილთან ერთად შუა აზიის ისტორიაზე, გეოგრაფიულ საზღვრებზე, ლანდშაფტზე, მომთაბარეებზე, იმპერიებსა და ქალაქებზე ვისაუბრეთ.

ვინ იყვნენ ბიზანტიელები, როგორ დამკვიდრდა ეს ტერმინი, რამდენად შეინარჩუნეს რომის მემკვიდრეობა, რას ნიშნავს ბიზანტიური თანამეგობრობა, როგორ გაძლო იმპერიამ მრავალი საუკუნე, რა კვალი დატოვეს ისტორიაში - ამ თემებზე სასაუბროდ ბიზანტისტი სანდრო ნიკოლაიშვილი გვესტუმრა.

ამ ეპიზოდში, შუა საუკუნეების მკვლევარი ბექა კვაჭაძე გვესტუმრა ჩინგიზ ყაენის ბიოგრაფიაზე, მის ეპოქაზე, მონღოლურ ტომებსა და იმპერიის ჩამოყალიბებაზე სასაუბროდ; აქვე განვიხილეთ ომი ხორეზმთან, მონღოლების პირველი ბრძოლები ქართველებთან, რუსებისა და ყივჩაღების ძლევა კალკასთან და დიდი დამპყრობლის მემკვიდრეობა.

ამ ეპიზოდში, ისტორიკოს გიორგი მეჭურჭლიშვილთან ერთად, ისტორიულ დემოგრაფიაზე ვისაუბრეთ, როგორც ზოგად კონტექსტში, საერთო სურათის საჩვენებლად, ისე უშუალოდ საქართველოზე.

პოდკასტში არქეოლოგი იულონ გაგოშიძე გვეწვია ანტიკური ხანის ისტორიასა და არქეოლოგიაზე, აქემენიანთა იმპერიაზე, ბერძნულ-სპარსული კულტურის შერწყმაზე კავკასიაში და ქართული სახელმწიფოებრიობის დასაწყისზე სასაუბროდ.

საურონი მსოფლიო ლიტერატურის ერთ-ერთი ყველაზე ცნობილი უარყოფითი პერსონაჟია, რომელიც, თითქოს, ერთპიროვნულად ბოროტი ძალაა, თუმცა, ამის მიღმა, ბევრი საინტერესო დეტალი იმალება; 2025 წლის ბოლო, საახალწლო ეპიზოდში მიშა შაველიშვილთან ერთად „ბეჭდების მბრძანებლის" ამ უმნიშვნელოვანეს ფიგურაზე ვრცლად ვისაუბრეთ და მისი ხედვა, მოტივაცია და ინტერესები განვიხილეთ.

„მწარე პოდკასტში" GIPA-ს პროფესორი თორნიკე შარაშენიძე გვესტუმრა XX საუკუნის მნიშვნელოვან ფილმებსა და მათში ასახულ ისტორიაზე, პროპაგანდაზე, მითებსა და სასტიკ რეალობაზე სასაუბროდ.

როდის და ვინ დაიწყო ლუდის მოხარშვა, განვითარების რა გზა განვლო ანტიკურობიდან შუა საუკუნეებამდე, ვინ იყვნენ არნოლდ სუასონელი და ჰილდეგარდ ფონ ბინგენი, რა ისტორიულ მოვლენებს უკავშირდება ლუდი, ვინ არიან ტრაპისტი ბერები, როგორ მოიხარშა პილსნერი, რა შეცვალა ლუდის სიწმინდის კანონმა - ამ და კიდევ ბევრ საინტერესო თემაზე სასაუბროდ, ლუდით ხელში, გიორგი ბაქრაძე გვესტუმრა.