Wwet kan a xali Muḥ !

Ddunit ur tebni deg yiwwas,

Akkenni deg yiḍ deg wass.

Ur yeɛdil ara wass d yiḍ,

Ass i uḥbak, iḍ i uxmat:

Wwet kan a xali Muḥ !

Nniɣ-as : akka,

Yenna-d : mačči akken !

Nniɣ-as : ayɣer ?

Yenna-d : akken !

La neqqaz iẓekwan ugin ad mmten.

Wwet kan a xali Muḥ !

Acḥal uy-a qqareɣ-asen,

Nutni gguman,

Mačči ! Mi yuli wass.

Wwet kan a xali Muḥ !

Ay aneznaz ay aḍu,

Ay aderɣal a tafat.

Yiwen uderɣal yerra-t-id lḥiḍ,

Yenna-yas : syagi i tuɣal ddunit.

Wwet kan a xali Muḥ !

Ayennat-nni ddaw-as, mačči dinna,

Ddaw-as, rnu ciṭuḥ, nekk sliɣ-as nekkini.

Yenna-as : d sebɛa yid-sen saḥen-ten-id sin yiɣerman,

nekkini weḥd-i isaḥ-iyi-d yiwen kan.

Wwet kan a xali Muḥ !

Niqal akka i as-nenna,

yiwen ufus ad tessirdeḍ yis-s afus niḍen, sin yifassen ad tessirdeḍ yis-sen aqadum-ik.

Yenna-iyi-d, nniɣ-as !

Yenna-iyi-d, nniɣ-as !

Yenna-iyi-d, nniɣ-as !

Dɣa truḥ di nniɣ-ak tenniḍ-iyi,

Wwet kan axali Muḥ, !

Ini ɣef yiman-ik ihi ! Timenna ɣas ini !

Ɣenni ɣef yiman-ik, d timenna kan day-a

Ziɣ, ur tefhimeḍ tren ziɣ !

Ha-t-an ini, yekcem sya yeffeɣ sya,

A qeflen wigi !

Wwet kan a xali Muḥ !

Mi teɛyiḍ ad teɛyuḍ dayen,

Weḥd-k ara teɛyuḍ.

Am winna yettmetran,

Llah inub a wlidi.

Wwet kan a xali Muḥ !

Mi tegra-d yiwet ad tt-id-iniɣ,

Skud akka ciṭiṭuḥ i d-yeqqimen

Ad d-yas yiwen wass,

teḥrem ma ɛawdeɣ-as,

Imi akka i awen-yeḥwa,

Aha tura ah !

Wwet kan a xali Muḥ. !

https://linktr.ee/mohyapodcast

✅ @Instagram ⁠http://instagram.com/mohya.podcast⁠ ✅ @YouTube ⁠https://youtube.com/@mohyapodcast⁠ ✅ @Telegram ⁠https://t.me/mohyapodcast⁠⁠ ✅ @Facebook

⁠https://www.facebook.com/profile.php?id=100087674029567⁠ ✅ @TikTok

⁠https://www.tiktok.com/@mohya.podcast?_t=8YF6ooMv10f&_r=1