Uh ay aḥbib

Aggur amectiṭuḥ,

A bu ciṭiṭuḥ,

Mi d-nemmekti nettu.

A bu ubernus bu tqelmunt,

Ddari lḥiḍ yella waḍu.

Leğnan d imfeḥfeḥ,

Iεessasen d lmalaykat,

Ugaden wissen d acu?

Taferka m yibriden,

Isem d war isem,

Aseggas-a ard as-necfu.

Aḍar yuli aḍar,

Lsiɣ abalṭu,

Tameḍliwt tezga ɣef uqerru.

Ur cfiɣ ara ma yelha lḥal,

Leḥḥuɣ ɣef yiman-iw ttkeyyifeɣ dexxan,

Ttkeyyifeɣ dexxan leḥḥuɣ ɣef yiman-iw.

Akkagi kan,

Tikwal qqareɣ-as,

Dayen tura ad nesteεfu ciṭuḥ.

Qqareɣ-as tura ad nesteεfu ciṭuḥ,

Nekkini leḥḥuɣ kan,

Qqareɣ-as ad neffeɣ ciṭuḥ.

Ad aɣ-d-yewwet ubeḥri,

A d-nerr nnefs,

Ad nwali Rebbi ad aɣ-d-iwali.

Eh oui ad nwali,

Acu i ɣ-yeğğan nettwali kan!

Ay ul-iw a wi k-yeḥkan,

Bezzaf i tettkeyyifeḍ dexxan.

Qqareɣ-as diɣen,

Amek akkenni?

Qqareɣ-as ...!

Yewwet-iyi ubeḥri,

I tura amek akka seg-k i d-tekka.

Tura ad ak-d-mɣin wacciwen tura,

Kemmel!

Kemmel ah!

Iɣennayen uẓekka,

Sčenčunen sčenčunen.

Nutni din kan,

Wiyaḍ din kan,

Ttif ilindi aseggas-a.

Wellah ar neεya deg yiman-nneɣ,

Mmugreɣ yiwen umɣar yenna-d.

Amek iyi-d-tenna temɣart-iw,

Tenna-yi-d : Xtir tura,

A win k-yehwan ddem-it,

Ad temmteḍ neɣ ad ğğleɣ.

Nniɣ-as d arraw n leḥram,

Ttkeyyifen dexxan si pa tut a fi swaswa.

Lamim cuz kifkif,

igzaktema pariy,

Am dexxan-agi-inu.

Mi nutni d iɣyal,

Akka am nekkini neɣ ifen-iyi.

Sa va assagi ferḥeɣ,

Wissen ayɣer akkagi?

I wi mon vieux iṭij aggur d yitran,

Lebḥer isaffen,

Allen ifassen.

Mačči dɣa din kan,

Yella wayen-nniḍen,

Ih llant tmura.

Imawlan-nsent lhan,

Timɣarin a sidi,

Mi mačči dɣa din kan.

Truḥem ɣer likul,

Azzel ad d-tawiḍ,

Bedd ad twaliḍ,

Acḥal ay dinna acḥal ay dinna.

Wellah ala ayen,

Ur qeṭṭεent wallen,

Nutenti d nutenti kan.

A-t-an tura din akkin,

Iεedda-d yiwen.

Ssalam uεlikum ssalam u reḥmat llah,

Nuɣal ɣer tinna n lsas tura keččini.

Itran akka ay d-nnan,

Iḥbiben akka ay bɣan.

Akessar d akessar,

Afus-nni bezzaf,

Bessif ad iluɣ umdun.

Ijeğğigen sčewčiwen,

Ifrax la ttemsalamen,

Rwiɣ-tt rwiɣ-tt…

Ulac win ara k-id-ifehmen akk dagi.

Ah ya Rebbi ah ya Rebbi

Safik akkagi kan tura?

Aqerruy-iw gar yifassen-iw

Ifassen-iw deg uqerruy-iw.

https://linktr.ee/mohyapodcast

✅ @Instagram ⁠http://instagram.com/mohya.podcast⁠ ✅ @YouTube ⁠https://youtube.com/@mohyapodcast⁠ ✅ @Telegram ⁠https://t.me/mohyapodcast⁠⁠https://linktr.ee/mohyapodcast⁠ ✅ @Facebook

⁠https://www.facebook.com/profile.php?id=100087674029567⁠ ✅ @TikTok

⁠https://www.tiktok.com/@mohya.podcast?_t=8YF6ooMv10f&_r=1