వినాయక చవితి సందర్బంగా , ఆగస్టు 27 వ తేదీ నుండి, 49 రోజుల పాటు పూజ్యా గురుమా ఆత్మా నందమయి అమ్మ గారి తో ప్రత్యక్షంగా ( స్పెషల్ లైవ్ - ద్వారా) సుషుమ్న క్రియా యోగ ధ్యానం చేసే అరుదైన అవకాశం.

ఈ 49 రోజులు పాటు జరిగే ధ్యాన కార్యక్రమం ఎంతో విశేషమైనది. ప్రతి రోజు ఈ "స్పెషల్ లైవ్ మెడిటేషన్ " సెషన్ లో పాల్గొనడం ద్వారా, గురువులు అందించిన ఈ దివ్యమైన అవకాశాన్ని సద్వినియోగం చేసుకోండి. ధ్యాన సాధన ద్వారా ప్రశాంతతను మరియు ఆనందాన్ని పొందండి.

పరమ శివుడి అర్ధనారీశ్వర దివ్య రూపం వెనుక ఉన్న నిగూఢమైన రహస్యం ఏమిటి?? ఆ రూపాన్ని స్వామి ఎందుకు ధరించారు? సకల సృష్టికి ఆది దంపతులు అయిన శివ పార్వతుల నిజ తత్వం ఏమిటి? అర్ధనారీశ్వర రూపం వెనుక దాగి ఉన్న యోగ పరమార్థాన్ని ఆవిష్కరించే సంభాషణా సమాహారం ఈ వారం పాడ్కాస్ట్.

కైలాసం మహా దేవుడైన పరమ శివుడి నివాసం. ఎంతో మంది శాస్త్రవేత్తలు ఈ పర్వత ప్రత్యేకతను గురించి తెలుసుకోవాలని చూశారు. రెండు పర్యాయాలు ఈ పర్వతం పైకి విమానాలను పంపేందుకు ప్రయత్నం చేయగా, ఆ ప్రయత్నాలు విఫలం అయ్యాయి. కైలాసం పవిత్ర స్థలం. జగన్మాత పార్వతి, జగత్ పిత పరమేశ్వరుడు నివాసం ఉండే ప్రదేశం కైలాసం. అయితే సుషుమ్న క్రియా యోగులు ధ్యానం ద్వారా కైలాస పర్వత దర్శనం చేసుకొవడం ఎలా..? అనే ఆసక్తికర విషయాల సమాహారమే ఈ వారం పాడ్కాస్ట్.

దేవతలు, దానవులు సాగర మథనం చేసినప్పుడు మొదట ఆవిర్భవించింది హాలాహలం. ఈ భయంకర విష ప్రభావం వల్ల లోకాలు నాశనం కావడం మొదలైంది. బ్రహ్మాది దేవతలు, రాక్షసులు “రక్షమాం” అంటూ శివుడిని శరణు వేడారు. ఆ కరుణా సింధువు గరళాన్ని మింగి విశ్వాన్ని రక్షించాడు. ఈ అద్భుత పురాణ కథలోని నిగూఢార్థాన్ని తెలియజేసే పాడ్కాస్ట్ ఈ వారం.

రుద్రాక్ష పరమ శివుడికి అత్యంత ప్రీతికరమైనది. రుద్రాక్ష మాలలను శివుడు మొదలుకొని ఎందరో యోగులు ఆభరణంగా ధరిస్తారు. హిమవత్ పర్వత ప్రదేశంలో లభించే రుద్రాక్షలు సాధనకు ఎంతో ఉపకరిస్తాయి. రుద్రాక్ష ధారణ, రుద్రాక్ష విశిష్టత ఇత్యాది విషయాల సమాహారం ఈ వారం సుషుమ్న వాణి పాడ్కాస్ట్.

మహా మృత్యుంజయ మంత్రాన్ని మహా సంజీవని మంత్రం అంటారు. ఈ మహా మంత్ర నిగూఢార్థం, మంత్ర ఆవిర్భావం, మంత్ర విశేషం ఇత్యాది విషయాల సమాహారం ఈ వారం సుషుమ్న వాణి పాడ్కాస్ట్.

ఈ ఎపిసోడ్ లో శివ పంచాక్షరీ మంత్ర వైశిష్ట్యాన్ని గురించి, పంచాక్షరీ మంత్ర మహత్తు, ఓంకార బీజాక్షర మహిమ వంటి ఆసక్తికర విషయాలను గురించి తెలుసుకుందాం.

ఈ ఎపిసోడ్ లో ఆది యోగి అయిన శివుడిని ఆది గురువుగా, క్రియా యోగ దీక్షా గురువుగా దర్శిద్దాం. శివ తత్వంలోని అంతరార్థాన్ని అన్వేషిద్దాం. మీ ప్రశ్నలు, మీ విలువైన సలహాలు, సందేశాలు క్రింది ఈమెయిల్ కి పంపండి

sushumnavani@divyababajikriyayoga.org