ولا انا ولا دكتورة كريمة من الجيل الواعد الحالي Gen Z بس اكيد انتم صحابنا وزمايلنا وعايشين معانا عشان كدا حلقة النهاردة بتتكلم عن العلاج النفسي و الاكتئاب الى بيواجهكم وطبعا مينفعش نتغاضى عن الصعوبات المستجدة الي مضطرين تتأقلمو معاها بسرعة. ده مش معناه أن احنا أو Gen Z ضحية عشان كدا الهدف من الحلقة أننا نلحق نفسنا وناخد بالنا منها عشان ده في الآخر حقنا ومسؤوليتنا في نفس الوقت.حلقة النهاردة هي آخر حلقة في الموسم الثاني من بودكاست رحلة حرة عشان نعيد وننبسط.

أزمة منتصف العمر مش موضوع جديد لكن محدش بيجيب سيرة البنات الى بيعانو من أزمة منتصف العمر النهاردة في الحياة السريعة دي. النهاردة البنت مش محتاجة معونة لكن محتاجة رعاية ومتلخبطة من المستقبل وبتسعى عشان تسعد. في وسط كل ده بتقف فجأة وتكتشف انها مش عارفه هي بتسعى لايه ليه؟ وهل سعادتها في الشغل ولا في الجواز فعلا؟ الحلقة الجديدة هنناقش فيها دكتورة كريمة في كل ده وأكثر.

الحدود في الشغل ممكن يبقا ليها زوايا مختلفة زي أوقات العمل وغيره لكن النهاردة تحديدا احنا هنتكلم في حدود العمل بين الستات والرجالة. ساعات الحدود دي بتبقا مش واضحه وبتخلي الناس تتعداها ولو دافعما عن نفسنا نبقا بنكبر الموضوع مهو مفيش تعدي ملموس لكن الحقيقة إن التعدي مش لازم يبقا ملموس وأى تعدي لازم يتحاسب. أى حد فينا حاسس أن خصوصيته تم التعدي عليها فهو صح مش بيتهيألنا وأخد الحق حرفة وواجب علينا لينا لأن احنا أهم حد عشاننا وعشان الناس إلي بتحبنا.