Folgen

  • 4. Doventèr menacrep

    4. Doventèr menacrep
    Mar 16 2024
    Doventèr menacrep, anter monts e sport!
    Na intervista a Giorgia Felicetti da Ciampedel, che la é do a tor pèrt al percors profescionèl per doventèr menacrep. Con ela rejonon no demò de chest: tolon ca i sport che la pratega e che l'à prategà, con empegn e sacrifizie, te sia vita. Per ela, crepes e natura l é na fona pascion.
    Giorgia l é ence la sozia più jona del sodalizie di Ciamorces de Fasha e la se dèsc ju tel volontariat, belimpont la é operatora te la Stazion del Socors da mont de l'Auta Fascia.

    #04 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 14 de mèrz e sostegnuda dal Comun general de Fascia
    Mehr anzeigen Weniger anzeigen
    56 Min.
  • 3. La ousc de la ELES

    3. La ousc de la ELES
    Mar 11 2024
    No demò na antepruma del conzert ELES, ma ence na ciacolèda en cont de musega femenina!
    En compagnia de Melany Locatin e Cristina Carpano, parlon de desvaliva sorts musega e de emozions, de coche la musega pel esser dassen n strument per la eles per se esprimer e portèr dant tematiches de emancipazion e forza. Dantfora, na prejentazion de Michela Marangoni, diretora artistica, del conzert ELES, endrezà en jebia ai 7 de mèrz lo dal Gran Tobià Teater de Cianacei.
    Te chesta ciacolèda aon tirà ca (con Melany) l pop, i PopCorner e Cianton da Marevea e (con Cristina) la musega bizantina, sia longia tradizion e sia sonoritèdes zis fora de anter.

    #03 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 7 de mèrz e sostegnuda dal Comun general de Fascia
    Mehr anzeigen Weniger anzeigen
    59 Min.
  • 2. Da Penìa fin... jal Forn?

    2. Da Penìa fin... jal Forn?
    Mar 1 2024
    Co mudel pa l ladin fascian da paisc en paisc? Na spazirèda do Veisc fora!
    Ensema con la linguista Evelyn Bortolotti jon a descorir coche muda la parlèda ladina te Fascia, da paisc en paisc. Nosc viac pea via ta Penìa: se fermaron te ogne vila per dir zeche de curious en cont de chisc cambiaments. Fin olè, ampò, vegnel rejonà ladin? fin jal Forn?
    Te chesta ciacolèda se aon fat didèr da la oujes de Zot de Rola, Ermano Badia e Rita del Baila (toutes fora da la Mediateca Ladina del ICL Majon di Fascegn) e da desvaliva cianties, da enlouta e d'aldidanché, che pèrla duta cantes de noscia bela Val!

    #02 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 29 de firé e sostegnuda dal Comun general de Fascia
    Mehr anzeigen Weniger anzeigen
    57 Min.
  • 1. Ciapa la montagnola

    1. Ciapa la montagnola
    Feb 19 2024
    Cian da bafi, bacan da Penìa, spion dal bosch... nesciugn ve sparagnarà canche jiarède a Ciapa la montagnola!
    En compagnia de Nicola Eccel e Giordano Costa (e sie orghin sonà dal vif), jon a descorir con na gustegola ciacolèda l nef jech de chèrtes de la coprativa sozièla INOUT Ciapa la montagnola. Apede a ic, trei ideatores de chesta curgiousa scomenzadiva: Anna Lazzer, Giovanni Florian e Jacopo Simoni.
    L era belimpont via per de dezember che tel chèder del projet MaJia! l era stat prejentà te Museo Ladin n nef jech de chèrtes zis fora de anter, colun l zil? Esser bogn de aer te man 3 montagnoles... ma stajé ascorc, dalajà che l nemich l é semper sconet tedò l cianton!

    #01 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 15 de firé e sostegnuda dal Comun general de Fascia (retrat AI generator)
    Mehr anzeigen Weniger anzeigen
    50 Min.