Acu twalaḍ ?

Urgaɣ zun lliɣ d aqcic amecṭuḥ, nniɣ-as i jeddi : " A jeddi, imi ara iyi-d-inin medden ; acu twalaḍ keččinni ? Amek i ilaq ad asen-rreɣ ? "

Ixemmem, ixemmem, yenna-d : " Yuεer ! " Yenna-d d acu-t uxxam-nni, yerna ɣur-sen uqcic, ferḥen at-uxxam d ayen akken ur tettamneḍ ara. Yiwwas, llan yinebgawen, baba-s n uqcic, yewwi-d mmi-s ɣef yiɣil-is akken ad izux yies-s sdat yinebgawen.

Amezwaru i d-ineṭqen yenna-as : " Aqcic-agi, ad yuɣal d imtreffeh. ". Nnan-as akk : " Ad d-yejεel Rebbi lbaraka deg wayla-k. ".

Wis sin i d-ineṭqen yenna-as : " Aqcic-agi, ad izeggir i lqum. ". Nnan-as akk : " Ad yeg Rebbi ad tḥeḍreḍ i lferḥ n warraw-ik. ".

Wis tlata i d-ineṭqen, yenna-yas : " Twalaḍ tura, yerna ad yemmet ". Ɣlin fell-as s yiεekzan, ffeɣ syagi tawenza taseṭṭaft, bismilah llah reḥman raḥim.

Winna i asen-yennan ad yemmet, d tidet i d-yenna. Sin-nni i asen-yennan, ad yuɣal d imtreffeh, ad izeggir i lqum, anwi yeẓran ma ur skiddiben ara kan.

Imawlan n uqcic fkan-asen ddeεwa n lxir i wid-nni yeskiddiben ma yebɣa Rebbi. Winna i d-yennan tidet, suffɣen-t-id syinna leḥkem n usɣar. Tura keččinni…

Nniɣ-as : " iii… ", nniɣ-as : " Nekkini ur bɣiɣ ara ad skiddibeɣ, meεna ur bɣiɣ ara ad ttewteɣ diɣen. Amek i ilaq ad asen-iniɣ ? ".

Yenna-d, ha-t-a wamek ara asen-tiniḍ, ini-asen : " Hahahaha aqcic-agi, hihihihih, taɣ taɣ taɣ, hahahaha, aqcic-agi, ḥuḥuḥuḥuhuhuhuhu ...".

https://linktr.ee/mohyapodcast

https://linktr.ee/mohyapodcast ✅ @Instagram ⁠http://instagram.com/mohya.podcast⁠ ✅ @YouTube ⁠https://youtube.com/@mohyapodcast⁠ ✅ @Telegram ⁠https://t.me/mohyapodcast⁠⁠ ✅ @Facebook

⁠https://www.facebook.com/profile.php?id=100087674029567⁠ ✅ @TikTok

⁠https://www.tiktok.com/@mohya.podcast?_t=8YF6ooMv10f&_r=1